སུམ་རྟགས་དག་གསུམ་མ་སྦྱངས་པར།།
བོད་ཡིག་ཡག་པོ་ཆགས་ཐབས་མེད།།
སུམ་ཅུ་པ་ལ་སྦྱངས་བྱས་ན།།
ཕྲད་དང་རྣམ་དབྱེའི་སྦྱོར་ཚུལ་ཤེས།།
རྟགས་འཇུག་གཞུང་ལ་སྦྱངས་བྱས་ན།།
བྱ་ཚིག་རྣམས་ཀྱི་འགྲོ་སྟངས་ཤེས།།
དག་ཡིག་གཞུང་ལ་སྦྱངས་བྱས་ན།།
མིང་དང་ཚིག་གི་དག་ཆ་ཤེས།།
དེས་ན་བརྒྱད་པའི་སློབ་ཕྲུག་ཚོ།།
རྣམ་གཡེང་བྱས་ནས་མ་བསྡད་པར།།
སུམ་རྟགས་དག་གསུམ་ལ་བརྩོན་ནས།།
བོད་ཡིག་ཡག་པོ་ཆགས་ཐབས་གྱིས།།
ལོ་ངོ་གཅིག་གི་ནང་ལ།།
ཉིན་མ་སུམ་བརྒྱ་རེ་ལྔ།།
ཉིན་གྲངས་དེ་ཚོའི་ནང་ལ།།
སློབ་གྲྭའི་ཚོང་འདུས་ཉིན་གཅིག།
དམིགས་བསལ་ཉིན་མོ་འདི་ལ།།
དགའ་དགའ་སྤྲོ་སྤྲོའི་ངང་ནས།།
ང་ཚོ་སློབ་གྲྭའི་ནང་ལ།།
འཚང་ཀ་ཤིག་ཤིག་ཕེབས་དང་།།
ཞིམ་པའི་ཟས་རིགས་མཆོད་དང་།།
སྐྱིད་པའི་རྩེད་མོར་རོལ་དང་།།
སྙན་པའི་དགོད་སྒྲ་སྒྲོགས་ཀྱིན།།
དགའ་དགའ་སྐྱིད་སྐྱིད་གནོངས་དང་།།
རང་ཉིད་ཕུང་བར་བྱེད་པ་ཡི།།
དངོས་ལ་ལོངས་སུ་སྤྱོད་པ་ནི།།
སེམས་ལྡན་མི་ཡི་ལས་མིན་པས།།
དེ་ལས་བྲལ་བར་གྱིས་ཤིག་ཨང་།།
ཁྱིམ་ཚང་སྡུག་ལ་སྦྱོར་བྱེད་པའི།།
ལས་དེ་གང་ཞིག་ཡིན་ན་ཡང་།།
ལས་དེ་སྤོང་བར་བྱེད་པ་ནི།།
སེམས་ལྡན་མི་ཡི་མཚོན་རྟགས་ཡིན།།
རང་གི་ཡོན་ཏན་ལ་བརྟེན་ནས།།
ཐོབ་པའི་ཆེ་མཐོང་རིན་ཆེན་ནོར།།
བརླག་པར་བྱེད་པའི་བྱ་བ་ནི།།
ནམ་ཡང་སྤང་བྱར་གཟུང་བར་བྱ།།
༢༠༢༠།༠༣།༢༠
