རེས་གཟའ་བདུན་གྱི་ལྷག་པ།།
ཀུན་ལས་ལྷག་པ་རེད་འདུག།
གང་ལ་གང་དགོས་སྟེར་བའི།།
དམིགས་བསལ་ཉིན་མོ་རེད་འདུག།
འཁྲབ་བཟོ་ཡོད་པའི་མི་ལ།།
ངོམ་པའི་དུས་ཚོད་རེད་འདུག།
ལྟད་མོར་དགའ་བའི་མི་ལ།།
བལྟ་བའི་དུས་ཚོད་རེད་འདུག།
སྒོར་མོ་མཁོ་བའི་མི་ལ།།
སྒྲུབ་པའི་དུས་ཚོད་རེད་འདུག།
རྩེད་རོགས་འཚོལ་བའི་ཕྲུ་གུར།།
རག་པའི་དུས་ཚོད་རེད་འདུག།
ལུས་རྩལ་དགོས་པའི་མི་ལ།།
རྩེ་བའི་དུས་ཚོད་རེད་འདུག།
ཁམས་གཡེང་འདོད་པའི་མི་ལ།།
བྱེད་པའི་དུས་ཚོད་རེད་འདུག།
དབྱིངས་ལ་དགའ་བའི་མི་ལ།།
སྟོན་པའི་དུས་ཚོད་རེད་འདུག།
མིང་གྲགས་དགོས་པའི་མི་ལ།།
ཐོབ་པའི་དུས་ཚོད་རེད་འདུག།
མདོར་ན་རེས་གཟའ་ལྷག་པ།།
ཀུན་གྱིས་དགའ་བ་རེད་འདུག།
ཀུན་གྱིས་རེ་སྒུག་བྱེད་པའི།།
ཁྱད་འཕགས་ཉིན་མོ་རེད་འདུག།
༢༠༢༤།༠༦།༡༢ ཉིན་ལྷག་དཀར་སྒོར་ལ་ལྟ་ཞོར་དུ་གང་དྲན་ཡི་གེར་བཀོད་པའོ།།
No comments:
Post a Comment