དེ་རིང་རྒྱ་གར་རྒྱལ་ཡོངས་སུ།།
སྤྱི་ཚོགས་མཐུན་སྒྲིལ་ཉིན་མོ་ཞེས།།
བྱེད་སྒོ་འདྲ་མིན་ལ་བརྟེན་ནས།།
སྲུང་བརྩི་ཞུ་གི་ཡོད་ཚུལ་ཐོས།།
སྤྱི་ཚོགས་ཚན་རིག་སྡེ་ཚན་གྱིས།།
འགན་ཁུར་རྐང་བཞེས་གནང་བའི་ཐོག།
ང་ཚོའི་སློབ་གྲྭ་འདི་རུ་ཡང་།།
ཉིན་མོ་དེ་ཉིད་སྲུང་བརྩི་ཞུས།།
དབྱིན་བོད་གཉིས་ཀྱི་སྐད་ཡིག་ནས།།
ཉིན་མོའི་ངོ་སྤྲོད་གནང་བའི་རྗེས།།
འཛིན་རིམ་དགུ་པའི་སློབ་མ་འགས།།
ནང་དོན་ཟབ་པའི་གཏམ་བརྗོད་འཁྲབས།།
དེ་ནས་འཛིན་རིམ་བཅུ་གཅིག་དང་།།
སློབ་མ་གཞན་འགའི་མཉམ་ཞུགས་ཐོག།
ཀུན་ཀྱང་དགའ་ནས་འཛུམ་ཤོར་བའི།།
ཞབས་བྲོ་མིག་ལ་མཛེས་ཤིག་འཁྲབས།།
མཇུག་ཏུ་སློབ་གྲྭའི་སློབ་སྤྱི་ཡིས།།
གོ་སྒྲིག་པ་དང་འཛུལ་ཞུགས་པར།།
ལེགས་སོའི་བསྔགས་བརྗོད་གནང་བ་དང་།།
ཉིན་མོའི་གལ་གནད་ཤེས་དགོས་གསུངས།།
No comments:
Post a Comment