སྲིད་སྐྱོང་དོ་ན་ང་ཚོའི་བོད་ཡུལ་ལ།།
རང་བཙན་གཙང་མ་འཐོབ་རྒྱུ་ཡོད་པ་ལྟར།།
གཞི་མེད་སྐྱོན་བརྗོད་གཅིག་རྗེས་གཉིས་མཐུད་དུ།།
བྱེད་མཁན་མི་དག་ནམ་ཡང་བརྗེད་མི་སྲིད།།
རྩ་བའི་བླ་མས་བཙུགས་པའི་བོད་གཞུང་དེ།།
རྩ་གཏོར་ཐུབ་ན་ཁེ་བཟང་ཡོད་པ་ལྟར།།
ཐབས་ཤེས་ཡོད་རྒུས་གཏོར་རྩིས་བྱེད་མཁན་དག།
ང་ཚོས་ནམ་ཡང་སེམས་ནས་བརྗེད་མི་སྲིད།།
ཆོལ་གསུམ་འཁྲུགས་ན་མགོ་ནག་བོད་མི་ལ།།
སྐྱིད་ཀྱི་ཉིན་ཞིག་འཆར་རྒྱུ་ཡོད་པ་ལྟར།།
ཆོལ་གསུམ་ཁྲག་བཞིན་དཀྲུག་ལ་འབད་མཁན་ཚོ།།
ང་ཚོས་ནམ་ཡང་སེམས་ནས་བརྗེད་མི་སྲིད།།
No comments:
Post a Comment