གཅུང་མོས་བཏང་བའི་དངུལ་འབོར་དེ།།
དོན་མེད་རྫོགས་ན་ཕངས་སེམས་ཀྱིས།།
རིན་གོང་ཆུང་བའི་གློག་ཀླད་ཅིག།
དྲ་ཐོག་བརྒྱུད་ནས་མངག་ཉོ་བྱས།།
བརྒྱད་པའི་སོ་གཅིག་ཉིན་མོ་ལ།།
ལག་ཏུ་སོན་རྒྱུའི་བརྡ་འབྱོར་མོད།།
དགུ་པའི་ཚེས་གཅིག་ཟིན་ན་ཡང་།།
ལག་ཏུ་མ་འབྱོར་དངངས་འཚབ་སྐྱེས།།
ཧིན་སྒོར་ཁྲི་གཉིས་ཟེར་བ་ནི།།
ཆུང་ཆུང་ཡེ་ནས་མ་ཡིན་སྟབས།།
གླ་འཁོར་གླས་ནས་སོ་ལན་ལ།།
གནས་ཚུལ་རྒྱུས་ལོན་བྱེད་དུ་བསྐྱོད།།
ཡན་ལག་ལས་ཁུངས་ནང་ཡོད་པའི།།
འགན་འཛིན་ཡིན་པ་ལྟར་སྣང་དེས།།
དེང་སང་ཅ་དངོས་འབྱོར་རྒྱུ་ལ།།
འགོར་འགྱངས་ཅུང་ཟད་ཡོད་ཚུལ་གསུངས།།
འོན་ཀྱང་སེམས་པ་མ་བདེ་བར།།
ཁ་པར་དང་ནི་ཡིག་ཐོག་ནས།།
མངགས་པའི་གློག་ཀླད་དེ་ཡི་སྐོར།།
ག་ས་གང་ནས་རྩད་གཅོད་བྱས།།
དགུ་པའི་ཚེས་དྲུག་ཉིན་མོ་ལ།།
གཞི་ནས་གློག་ཀླད་ལག་ཏུ་འབྱོར།།
འབྱོར་བས་དགའ་བ་འཕེལ་ན་ཡང་།།
འགོར་བས་ཅུང་ཟད་ཁྲོས་པར་གྱུར།།
༢༠༢༡།༠༩།༠༨ ཉིན་དྲན་ཐོའི་ཚུལ་དུ་ཧོབ་བྲིས་བྱས།
No comments:
Post a Comment