ས་གནས་འདི་རུ་སླེབས་ནས།།
ཉིན་གྲངས་ཉི་ཤུ་སོང་འདུག།
ཉིན་མ་འགྲོ་གིན་འགྲོ་གིན།།
བཟའ་མི་ཇེ་དྲན་རེད་འདུག།
ཤ་ལས་ཆད་པའི་བུ་མོའི།།
སྨྲ་སྒོ་འཁྲོལ་བའི་སྐད་ཆ།།
མངོན་སུམ་ཐོས་རྒྱུའི་འདོད་པ།།
ཇེ་དྲག་ཇེ་ཆེ་རེད་འདུག།
མཛེས་ཤིང་གཡོས་སྦྱོར་མཁས་པའི།།
ཚེ་གཅིག་གཏན་གྲོགས་དེ་ཡི།།
ལག་པས་གཡོས་པའི་ཁ་ལག།
ཟ་འདོད་ཇེ་ཆེ་རེད་འདུག།
གཅིག་པུར་ཤག་ཏུ་སྡོད་ཅིང་།།
གཅིག་པུར་ཡར་མར་འགྲོ་དུས།།
བཟའ་ཟླ་བུ་ཕྲུག་དྲན་པ།།
ཇེ་དྲག་ཇེ་ཆེ་རེད་འདུག།
སླད་མར་ལྷན་འཛོམས་སྐལ་བ།།
ཤར་བའི་དུས་ཤིག་རྙེད་ན།།
མ་ཤི་གསོན་བྲལ་ལས་དེ།།
མི་བྱེད་དམ་བཅའ་བཞག་ཡོད།།
No comments:
Post a Comment