སློབ་མ་ལ་བརྒྱབ་པའི་བསླབ་བྱ་འགའ།

 

ལྷ་བྲིས་ལོ་རིམ་དང་པོ་ལ།

བག་ཡོད་བསམ་ཤེས་ལྡན་པ་ཁྱེད་ཚོ་ནི།།

གླིང་འདིར་བཀྲ་ཤིས་བསུ་བའི་ཕོ་ཉ་ཡིན།།

ད་ཡོད་མ་འགྱུར་རྒྱུན་བསྲིངས་འབད་བྱས་ཏེ།།

རང་སྐྱིད་གཞན་སྨོན་གླིང་ཞིག་བསྐྲུན་པར་འཚལ།།

གྲང་རེག་གིས་མནར་བའི་དུས།

ནམ་དུས་རྒན་མོའི་འགྲེ་ལོག་གཅིག་གིས།།

ཁ་དབུགས་དེ་ཡི་ཚ་གྲང་བརྗེས་སོང་།།

གྲང་རེག་རྩུབ་མོས་ལུས་པོ་གདུང་དུས།།

དཔྱིད་ཀྱི་དཔལ་ཡོན་སེམས་སུ་འཁྱིལ་སོང་།།

ལས་དབང་།

ལས་དབང་ཟེར་བ་ནི་ངོ་མ་ཅི་འདྲའི་ཡ་མཚར་ཞིང་ལྐོག་གྱུར་ཞིག་རེད་ཨང༌།  ལས་དབང་གི་དེབ་ཆུང་དུ་གང་བཀོད་ལྟར་བྱ་དགོས་པ་ལས་དེ་ལ་རྒོལ་བའམ་དེ་ལས་ཕྱིན་ཅི་ལོག་ཏུ་འགྲོ་བའི་ནུས་པ་ནི་སུ་ལའང་མེད།  ང་རང་ལ་མཚོན་ནའང་།  ལས་དབང་གི་བཀོད་སྒྲིག་འོག་གནས་འདིར་འབྱོར་ཡང་དེ་ཉིད་དུ་འདི་ནས་གང་ཞིག་ཏུ་འགྲོ་རྒྱུ་བཀོད་ཡོད་མེད་ནི་ངས་ཀྱང་མི་ཤེས།