ཚོགས་ཐུན་དང་པོ།

བདུན་པ་ཡོལ་ཙམ་ཞིག་ལ་གཉིད་ལས་སད།།
བྲེལ་འཚུབ་ཆེན་པོས་ཁ་ངོ་བཀྲུས་པར་བྱས།།
རྗེས་ལུས་ཐེབས་ན་མི་ལེགས་བསམ་པ་ཡིས།།
ཞོགས་པའི་ཟས་ཀྱང་མེད་པར་འཛིན་གྲྭར་བསྐྱོད།།

སེམས་ཀྱི་འཁུན་སྒྲ།

བརྩེ་བ་ཡོད་པའི་གནས་ལུགས་སྙན་མོ་ཞིག།
ཁ་ནས་མ་ཎི་བཞིན་དུ་བགྲང་མོད་ཀྱང་།།
དངོས་སུ་བརྩེ་བ་དགོས་པའི་དུས་ཀྱི་ཚེ།།
བརྩེ་བའི་ལྡོག་ཟླ་ལས་པ་ཁོང་ཚོའི་གཤིས།།

ཕྱི་ལོ་ཉིས་སྟོང་བཅོ་ལྔ་བསུ་བ།

ལོ་མ་རླུང་གིས་འདེད་པ་བཞིན།།

ལོ་ཡང་ལོ་ལྟར་འགྱུར་བཞིན་འདུག།

ཉིས་སྟོང་བཅུ་བཞི་རྫོགས་ནས་འདུག།

ཉིས་སྟོང་བཅོ་ལྔ་ཚེས་ནས་འདུག།