༄༅། །བདག་གི་བརྩེ་བའི་སློབ་མ་ཚེ་རིང་སྒྲོལ་མ་ལགས་ཀྱི་དྲུང་དུ།
ཆེད་ཞུ། སློབ་གྲྭ་འདི་ཡི་དགེ་རྒན་མང་པོ་ཞིག་ཟབ་སྦྱོང་ལ་ཕེབས་པའི་སྐབས་དང་། སློབ་གྲྭ་ལ་དགེ་རྒན་ཉུང་བའི་གནས་སྐབས་དེ་ལྟ་བུ་ཞིག་ལ་ཁྱེད་ཉིད་དུས་ཐོག་ཆར་པ་བཞིན་སློབ་གྲྭ་འདི་རུ་ཕེབས་ནས་དྭང་བླངས་ཀྱི་སྒོ་ནས་སློབ་འཁྲིད་གནང་སོང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།
བདག་ལ་མཚོན་ན། ཁྱེད་ཉིད་དྭང་བླངས་གནང་དུ་ཕེབས་པ་དེས་ཁ་ཡོད་ལག་ཡོད་ཀྱིས་ཕན་ཐོགས་ཤིན་ཏུ་ཆེན་པོ་བྱུང་སོང་ལ། སེམས་ཀྱི་རྡོག་ཁྲེས་ཤིག་ཀྱང་ཕབ་པ་ལྟ་བུ་གྱུར་སོང་བས། ཁྱེད་ལ་ཁ་དྲོ་ཟེར་རྒྱུ་ཡིན།
ཁྱེད་ཉིད་འདི་རུ་བཞུགས་པའི་རིང་སློབ་མ་ཚོར་སློབ་འཁྲིད་ཙམ་དུ་མ་ཟད་ལག་ཤེས་དང་འཁྲབ་གཞས་སོགས་ཀྱང་སློབ་འཁྲིད་གནང་སོང་བས་དངོས་གནས་སྐུ་ཚེ་རིང་ཞུ་རྒྱུ་ཡིན།
མཐའ་དོན་ཁྱེད་ཉིད་ནད་མེད་ཚེ་རིང་དང་བསམ་དོན་མཐའ་དག་ཡིད་བཞིན་འགྲུབ་པའི་བཀྲ་ཤིས་སྨོན་འདུན་གྲངས་མེད་ཞུ་རྒྱུ་དང་། མ་འོངས་པར་དྭང་བླངས་སློབ་འཁྲིད་གནང་དུ་ཕེབས་ནའང་དགའ་བསུ་ཡོད་ཞུ་རྒྱུ་ཡིན།
མོན་གྷོ་སཾ་བྷོ་ཊ་གཞི་རིམ་བར་མའི་དགེ་ཆེའམ་ཁྱེད་ཀྱི་དགེ་རྒན་ནོར་བུ་ཉི་མ་ནས།
ཕྱི་ལོ་ ༢༠༡༦ ཟླ་ ༡༡ ཚེས་ ༡༤ ཉིན།
No comments:
Post a Comment