དེ་རིང་ང་ནི་བསམ་ཤེས་ཐུབ་མཁན་ཞིག།
ཁ་སང་ང་ནི་ལོག་ལམ་སྐྱོད་མཁན་ཞིག།
ཁ་སང་ང་ནི་ངོ་ཚ་ཆུང་མཁན་ཞིག།
དེ་རིང་ང་ནི་ངོ་ཚ་ཤེས་མཁན་ཞིག།
ཁ་སང་ང་ནི་རང་མཐོང་མེད་མཁན་ཞིག།
དེ་རིང་ང་ནི་རང་བརྩི་ཡོད་མཁན་ཞིག།
ཁ་སང་ང་ནི་བག་མེད་བྱེད་མཁན་ཞིག།
དེ་རིང་ང་ནི་བག་ཡོད་བསྟེན་མཁན་ཞིག།
ཁ་སང་ང་ནི་དགོས་མེད་དགོས་མཁན་ཞིག།
དེ་རིང་ང་ནི་དགོས་མེད་སྤོང་མཁན་ཞིག།
ཁ་སང་ང་ནི་ཁ་ལ་བདག་མེད་ཅིག།
དེ་རིང་ང་ནི་ཁ་ལ་བདག་ཡོད་ཅིག།
ཁ་སང་ང་ནི་ལག་ལ་བདག་མེད་ཅིག།
དེ་རིང་ང་ནི་ལག་ལ་བདག་ཡོད་ཅིག།
ཁ་སང་ང་ནི་སྡུག་མཚོར་མཆོང་མཁན་ཞིག།
དེ་རིང་ང་ནི་བདེ་ལམ་འགྲིམ་མཁན་ཞིག།
ཁ་སང་ང་ནི་བསམ་མེད་སྨྱོན་པ་ཞིག།
དེ་རིང་ང་ནི་བསམ་ཡོད་མི་བུ་ཞིག།
No comments:
Post a Comment