དངོས་གནས་དོན་ལ་གནས་འདུག།
འཐུང་དུས་ཞིམ་རྒྱུ་མི་འདུག།
ཆང་ལ་དུག་ཆུ་ཟེར་བ།།
བདེན་པའི་གཏམ་ཞིག་རེད་འདུག།
བསམ་རྒྱུ་ཡག་ཅིག་མི་འདུག།
བཤད་རྒྱུ་སྙན་ཞིག་མི་འདུག།
ཆང་ལ་དུག་ཆུ་ཟེར་བ།།
སྡོམ་ཚིག་ཆེན་པོ་རེད་འདུག།
བྱེད་རྒྱུ་བཟང་ཞིག་མི་འདུག།
བསྟན་རྒྱུ་མཛེས་ཤིག་མི་འདུག།
ཆང་ལ་དུག་ཆུ་ཟེར་བ།།
ཧ་ཅང་དྲང་པོ་རེད་འདུག།
བསམ་དུས་དགའ་རྒྱུ་མི་འདུག།
ཤོད་དུས་སྙན་རྒྱུ་མི་འདུག།
ཆང་ལ་དུག་ཆུ་ཟེར་བ།།
གོ་རྒྱུ་ཡོད་པ་རེད་འདུག།
སྒོར་མོ་གསག་རྒྱུ་མི་འདུག།
ཆེ་མཐོང་བསྲུང་རྒྱུ་མི་འདུག།
ཆང་ལ་དུག་ཆུ་ཟེར་བ།།
སེམས་ལ་གཞག་རྒྱུ་རེད་འདུག།
བཟའ་ཟླས་འདོད་ཀྱི་མི་འདུག།
གཉེན་ཉེས་མོས་ཀྱི་མི་འདུག།
ཆང་ལ་དུག་ཆུ་ཟེར་བ།།
དྲང་པོ་དྲང་རྐྱང་རེད་འདུག།
དེར་བརྟེན་དུག་ཆུ་ཆང་ལ།།
དགའ་པོ་བྱེད་རྒྱུ་མི་འདུག།
༢༠༢༣།༠༣།༡༡
No comments:
Post a Comment