གཅིག་ཡིན།

ཆོལ་གསུམ་བོད་མི་གཅིག་ཡིན།།

དབང་བའི་ལུང་པ་གཅིག་ཡིན།།

བཀོལ་བའི་སྐད་ཡིག་གཅིག་ཡིན།།

ཟ་བའི་ཁ་ཟས་གཅིག་ཡིན།།

གྲོགས་ཆུང་དྲན་པའི་གདུང་དབྱངས།

གྲོགས་ཆུང་བསྟན་འཛིན་བྱང་ཆུབ།།

མ་ཐུག་ཟླ་ཤས་ཕྱིན་སོང་།།
སྐྱིད་སྡུག་གཉིས་ཀའི་དུས་ན།།
གྲོགས་ཆུང་དེ་ཉིད་དྲན་འོང་།།

འདྲེ་འདྲའི་སྐྱེ་བོ་འགའ།

ལས་འབྲས་ལྟ་བའི་མིག་ཟུང་རབ་ལྡོངས་ཤིང་།།
དཀར་མིན་བྱ་བ་རྩོམ་ལ་ཐབས་མཁས་པའི།།
ཀླད་མེད་ཁྱོ་དང་འབྲེལ་མེད་ནག་མོ་འགས།།
གཉོམ་ཆུང་མི་མོར་སུན་གཙེར་བཟོས་པ་ཐོས།།

བསྟོད་འོས་བསྟོད་པའི་གླུ་ཆུང་།

མཁས་པས་དྲན་དབང་སྐྱེ་བོས་གོང་དུ་བཀུར།།
བཙུན་པས་སྐུ་ལས་ཚུལ་ཁྲིམས་དྲི་བསུང་འཐུལ།།
བཟང་བས་འགྲོ་བ་འཕྲལ་ཕུགས་བདེ་ལ་འགོད།།
༸སྐྱབས་རྗེ་ཟམ་གདོང་བླ་མར་སྙིང་ནས་བསྟོད།།