ང་རང་ཡང་ནང་ལ་ལོག་ཡིན།།
ཉིན་མ་ཡི་ཉི་ཤུའི་དུས་ཡུན།།
གཤིས་བཟང་གི་སློབ་མ་དག་གི།།
འཛུམ་ལྡན་གྱི་ཞལ་གྱི་དཀྱིལ་འཁོར།།
མཇལ་འདོད་དང་སློབ་འདོད་ཅིག་གིས།།
སྔོན་གནས་སུ་ལོག་ལ་ཞུགས་ཡིན།།
རྒྱ་གར་དུ་རྒྱ་ནད་འཕར་ནས།།
འགྲོ་འོང་གི་རང་དབང་འགགས་སོང་།།
སློབ་ཁྲིད་ཀྱང་དྲ་ཐོག་མ་གཏོགས།།
དགེ་སློབ་གཉིས་ངོ་འཕྲད་བཀག་སོང་།།
ཡོང་བ་ཡི་ཡོང་གོ་མ་ཆོད།།
ཁང་སྟོང་ནི་སྲུང་སྙིང་མ་འདོད།།
ཡུལ་སྣང་དང་སྐྱོ་སྣང་ཞིག་གིས།།
སེམས་ངལ་གྱི་མཚོ་རུ་ལྷུང་སོང་།།
འདས་དོན་ནི་དེ་ལྟར་ཡིན་མོད།།
སྔོན་བྱུང་ལས་བསླབ་བྱ་བླངས་ཏེ།།
ད་ཐེངས་ཀྱི་ཕྱིར་ལོག་འདི་ལ།།
སྔོན་དཔག་གི་སྟོབས་ཤུགས་འཛོམས་ཡོད།།
༢༠༢༢།༠༣།༡༢
No comments:
Post a Comment