དགའ་སྐྱིད།

དཔལ་ལྡན་སློབ་སྤྱི་མཆོག་གིས།། 

དགོངས་པ་གནང་བས་དགའ་སོང་།། 

དོ་ནུབ་འདི་ནས་ཐོན་ཏེ།། 

སང་ཉིན་འབྱོར་བས་སྐྱིད་སོང་།།

ང་ཚོའི་དགའ་བའི་ཉིན་མོ།

ལོ་གཅིག་ཟླ་བ་བཅུ་གཉིས།། 

དུས་ཆེན་འདྲ་མིན་སྣ་ཚོགས།། 

ང་ཚོའི་དགའ་བའི་ཉིན་མོ།། 

དགུ་ལྔའི་དགེ་རྒན་ཉིན་མོ།།

སྦེལ་མོན་གཉིས་ཀྱི་ཁྱད་པར།

ཐལ་རྡུལ་ཉུང་བའི་ཁྱད་ཀྱིས།། 

སྦེལ་ཀོབ་བཟང་བར་གྲགས་ཀྱང་།། 

དོན་ལ་ཞིབ་པར་དཔྱད་ན།། 

མོན་གྷོ་བཟང་བ་རེད་འདུག། 

ཕྱི་ལོ་གསར་པའི་ཆོད་སེམས།

འཇིགས་ཞུམ་སྔས་འོག་མི་འཛུལ་བར།། 

སེམས་ཤུགས་དར་ཆ་མཐོར་བསྒྲེངས་ཏེ།། 

དབང་པོ་རྟུལ་བའི་སློབ་མས་ཀྱང་།། 

འཁྲིད་ཚན་གོ་བར་བྱེད་ངེས་ཡིན།།

ཆང་ལ་དུག་ཆུ་ཟེར་བ།

ཆང་ལ་དུག་ཆུ་ཟེར་བ།། 

དངོས་གནས་དོན་ལ་གནས་འདུག། 

འཐུང་དུས་ཞིམ་རྒྱུ་མི་འདུག། 

བཏུངས་ནས་ཕན་རྒྱུ་མི་འདུག། 

འཛིན་གྲྭ་འགའ་ཡི་སློབ་མ་ལ་བྲིས་པའི་བསྟོད་རྩོམ།

འཛིན་གྲྭ་དྲུག་པ། 

སློབ་སྦྱོང་བྱེད་ལ་གཅིག་ལས་གཅིག་བརྩོན་རེད།། 

རིགས་ལམ་རྩོད་ལ་གཅིག་ལས་གཅིག་ངར་རེད།། 

གཏམ་བརྗོད་འཁྲབ་ལ་གཅིག་ལས་གཅིག་མཁས་རེད།། 

དྲུག་པའི་སློབ་མ་གཅིག་ལས་གཅིག་བཟང་རེད།། 

བྱ་མང་པོའི་ཆོས་པ་དབང་པོ་བྱས་བཏོན་པ།

བོད་ཀྱི་སྤུ་ཧྲེང་ཟེར་བའི་ལུང་པ་ལ་པད་ཁོལ་ཞེས་པའི་མཚོ་ཞིག་ཡོད་ལ། དེའི་ཕར་ཕྱོགས་ལ་གྱང་ཞིག་ཡོད། གྱང་དེ་ནི་རྗེ་བཙུན་མི་ལ་རས་པའི་བཞུགས་གནས་ཡིན། མཚོ་དང་གྱང་གི་བར་ལ་བྱ་མང་པོ་ཞེས་པའི་གྲོང་ཚོ་ཞིག་ཡོད།