ང༌།

ཡོན་ཏན་གྱིས་དབུལ་བ་ང༌༎

བུ་ལོན་གྱིས་ཕྱུག་པ་ང༌༎

རྣམ་དཔྱོད་དང་བྲལ་བ་ང༌༎

རང་ཤེད་དང་ལྡན་པ་ང༌༎

ངོ་གདོང་དེ་སྐྱོ་བ་ང༌༎

ལུས་པོ་དེ་རིད་པ་ང༌༎

གོན་ཆས་དེ་གཟན་པ་ང༌༎

འགྲོ་བཟོ་དེ་འཆལ་བ་ང༌༎

སྐད་གདངས་དེ་རྩུབ་པ་ང༌༎

གཏམ་བརྗོད་ལ་དོན་མེད་ང༌༎

བཤད་རྒྱུ་ནི་འབེལ་བ་ང༌༎

བཤད་ཉམས་དང་བྲལ་བ་ང༌༎

ཕུགས་བསམ་དེ་ཐུང་བ་ང༌༎

ཧོར་རྒྱུག་ནི་ཆེ་བ་ང༌༎

བརྩོན་པ་ཡིས་ཕོངས་པ་ང༌༎

བསམ་མེད་ཀྱི་བྱིས་པ་ང༌༎

འཕྱི་སད་ཀྱི་འུག་པ་ང༌༎

ཞོགས་ཉལ་གྱི་ཕག་པ་ང༌༎

འཁྱམ་མྱུལ་གྱི་ཁྱི་ལྡོམ་ང༌༎

འདོ་མེད་ཀྱི་མི་བུ་ང༌༎

སྣ་ཐུང་གི་མི་ངན་ང༌༎

ངན་གོམས་ཀྱི་ཐ་ཤལ་ང༌༎

གོས་ངན་གྱི་སྤྲང་པོ་ང༌༎

བློ་མེད་ཀྱི་བླུན་པོ་ང༌༎

མཛའ་མོ་ལ་སྡུག་སྟེར་ང༌༎

ཕ་མ་ཡི་རེ་འདོར་ང༌༎

མཐོ་སློབ་ཀྱི་དཀོར་གཟན་ང༌༎

སྤྱི་ཚོགས་ཀྱི་གད་སྙིགས་ང༌༎

2010།10།10