འཕྱི་ཉལ་འཕྱི་སད།

ཐོ་རེངས་གསུམ་པ་བར་དུ་བསྡད།།

སྔ་དྲོ་དགུ་པའི་ཐོག་ལ་སད།།

ཞོགས་ཟས་མེད་པར་འཛིན་གྲྭར་བསྐྱོད།།

ཨ་སྟོང་རྒྱག་བཞིན་སློབ་འཁྲིད་བྱས།།

ཆ་མི་སྙོམས་པའི་འཇིག་རྟེན།

འོད་སྣང་མེད་པའི་རྟོག་པ་ཡིས།།

བདེ་འདོད་འོས་སུ་མ་བསྒོམས་པར།།

གོང་གིས་གང་བཀོད་འཚམ་ཤོས་སུ།།

བརླམས་ཏེ་དུས་ཡུན་གང་འཚམ་འདས།།

དྲ་འབུ།

མཐེབ་སྡེར་གཅིག་ནི་ཡོད་ན་ཡང་།།

དྲ་འབུ་མང་བས་བཀོལ་སྤྱོད་དཀའ།།

གཅིག་ནས་དྲ་འབུ་ལྡུག་བཞིན་དུ།།

གཅིག་ནས་གཙང་བཟོའི་ལས་དེ་དཀའ།།

རྟགས་འཇུག་རྩ་བའི་བསྟན་དོན་བཞིན་སྔོན་འཇུག་གང་གིས་མིང་གཞི་གང་དང་གང་ལ་མི་འཇུག་པ་བསྟན་པའི་རེའུ་མིག

སྔོན་འཇུག་ གི་རྟགས།	སྔོན་འཇུག	མི་འཇུག་སའི་མིང་གཞིའི་རྟགས་དང་ཡི་གེ།					ཁྱོན།
ཕོ།	བ།	ཕོ།	མ་ནིང་།	མོ།			༡༤
		*པ།*	ཁ། ཆ། ཐ། ཕ། ཚ།	*བ། མ།* ཝ། འ། ཡ། ལ། ཧ། ཨ།
མོ།	འ།	ཕོ།	མ་ནིང་།	མོ།	ཤིན་ཏུ་མོ།	མོ་གཤམ།	༢༠
		ཀ ཅ། ཏ། པ། ཙ།	˗	ཝ། *ཞ། ཟ། འ། ཡ།* ཤ། ས།	ང་། ཉ། ན། མ།	ར། ལ། ཧ། ཨ།
མ་ནིང་།	ག	ཕོ།	མ་ནིང་།	མོ།			༡༩
		*ཀ* པ།	ཁ། ཆ། ཐ། ཕ། ཚ།	*ག ང་།* ཇ། བ། མ། ཛ། ཝ། འ། ར། ལ། ཧ། ཨ།
	ད།	ཕོ།	མ་ནིང་།	མོ།			༢༤
		ཅ། *ཏ།* ཙ།	ཁ། ཆ། ཐ། ཕ། ཚ།	ཇ། ཉ། *ད། ན།* ཛ། ཝ། ཞ། ཟ། འ། ཡ། ཤ། ར། ལ། ས། ཧ། ཨ།
ཤིན་ཏུ་མོ།	མ།	ཕོ།	མ་ནིང་།	མོ།	ཤིན་ཏུ་མོ།	མོ་གཤམ།	༡༩
		ཀ ཅ། ཏ། པ། ཙ།	*ཕ།*	*བ།* ཝ། ཞ། ཟ། འ། ཡ། ཤ། ས།	*མ།*	ར། ལ། ཧ། ཨ།

ཟུར་མཆན།

སྐྱ་ཐིག་གིས་འབྲེལ་ཡོད་སྔོན་འཇུག་དེ་སྐྱ་ཐིག་ཅན་གྱི་མིང་གཞིའི་རྟགས་ཀྱི་སྡེ་ཚན་གང་པོ་ལ་མི་འཇུག་པ་མཚོན།

**རྟགས་འདི་ཡི་བར་དུ་ཡོད་པའི་མིང་གཞིའི་ཡི་གེ་དེ་སྔོན་འཇུག་དེ་དང་སྡེ་པ་གཅིག་པའི་ཡི་གེ་ཡིན་པར་མཚོན།

གུང་སེང་སྐབས་ཀྱི་ཚོར་བ།

སློབ་འཁྲིད་བྱ་བར་འཇུག་པའི་ཚེ།།

དགུན་གནང་དུས་དེ་འཆར་བའི་དུས།།

ཀློག་འདོད་ཆེ་བའི་དཔེ་དེབ་འགའ།།

བཀླག་རྒྱུའི་འཆར་འགོད་སེམས་ནས་འཐེན།།

ཚོར་བ།

སྨྲ་ལ་ལོབས་པར་གྱུར་ན་ནི།།

གཞན་སེམས་དཀྲུགས་པའི་ཉེན་ཡོད་པས།།

མ་སྨྲ་ཀ་མེད་མ་ཐུག་ཚེ།།

སྨྲ་ལ་འཛེམ་པ་དོན་གྱི་གནད།།

ཁྱེད་ལ་དགའ།

པ་ལོ་འཇམ་ལ་བཞིན་རས་ལྟ་ན་སྡུག།

སངས་རྒྱས་ཆོས་ལ་བསླབས་པས་ནང་སེམས་དཀར༎

ལྷ་ལ་མཆོད་ཅིང་དམན་ལ་བྱམས་སེམས་ཅན༎

མོ་བཟང་ཁྱེད་ལ་ང་རང་ཤིན་ཏུ་དགའ༎

སེམས་ཀྱི་འཆར་སྒོ།

ཡིད་མཐུན་པའི་མཛའ་མོ་དེ༎

ངན་ནད་ཀྱིས་ད་བར་ཟིན༎

དབུགས་ལེན་ལའང་དཀའ་བའི་དུས༎

ཅི་ཞིག་གིས་ལན་ནམ་སྙམ༎

སྐྱོ་གླུ་ཡིད་ཀྱི་འཁུན་སྒྲ།

དམར་ཆུང་གི།

དུམ་བུ་དེ།།

ནད་ངན་གྱིས།།

མནར་ནས་འདུག།

སྨྱོ་ལབ།

ནོར་མེད་ཀླད་མེད་འདོ་མེད་ཀྱི་མི་ལ༎

བུ་ལོན་བླུན་རྟགས་སེམས་ངལ་གྱིས་མནར་དུས༎

ཉི་ཚེའི་བྱ་བར་ཞུགས་པ་ཡི་ལོ་ཟླར༎

མ་བསམ་ས་ནས་ཁོང་ཁྲོ་ཞིག་ལང་གི།

ང༌།

ཡོན་ཏན་གྱིས་དབུལ་བ་ང༌༎

བུ་ལོན་གྱིས་ཕྱུག་པ་ང༌༎

རྣམ་དཔྱོད་དང་བྲལ་བ་ང༌༎

རང་ཤེད་དང་ལྡན་པ་ང༌༎

ཨ་མ་དྲན་གླུ།

དྲིན་ཆེན་གྱི་ཨ་མ༎

ཕ་ས་རུ་བཞག་ནས༎

སློབ་སྦྱོང་གི་དོན་དུ༎

མི་ཡུལ་དེ་འགྲིམས་ཡིན༎

ཝཎར་འཁོར་བ།

བགྲང་བྱ་གཅིག་གི་དུས་ཡུན་ནང་།།

བེ་ཏའི་གྲོང་དུ་འགྲིམས་པའི་རྗེས།།

ཆ་རྒྱུས་ཅན་གྱི་ཝ་ཎ་རུ།།

འཁོར་རྒྱུ་བྱུང་བར་དགའ་སྤྲོས་མྱོས།།