ལས་དབང་གིས་ཕྲད་པའི་འཛིན་གྲོགས་ལ་ཕུལ་བ།

སྔོན་བསགས་ཀྱི་ལས་འཕྲོ་ལས༎

བློ་མཐུན་གྱི་གྲོགས་ཁྱུ་ཞིག།

མ་དྲན་པའི་གནས་ཤིག་ནས༎

དགེ་འོས་ཀྱི་འཛིན་གྲྭར་ཕྲད༎

དགའ་ལོ།

གཅིག

ཉིས་སྟོང་བཅུ་གཉིས་ལ་ཕེབས་སྐྱེལ།

ཉིན་ཞག་སུམ་བརྒྱ་རེ་ལྔའི་རིང་།།

གཤིབས་པའི་ཉིས་སྟོང་བཅུ་གཉིས་དེ།།

ཕྱིར་འོང་མེད་པའི་གནས་ཤིག་ཏུ།།

ཆས་ལ་ཉེ་བའི་དུས་དེ་སླེབས།།

དཔེ་རྒྱན་དྲུག་པ་ནས་བཅོ་ལྔ་བར་གྱི་རང་རྩོམ་དཔེར་བརྗོད།

༢།༦  ངེས་མེད་ཀྱི་དཔེ།

༢།༦།༡     ཉིན་མཚན་དབྱེར་མེད་སློབ་ལ་བརྩོན་པ་ཡིས།།

སྦེལ་ཀོབ་སློབ་མ་བུང་བ་དང་མཚུངས་ཀྱི།།

ཅི་སྟེ་དེ་དང་མཚུངས་པའི་དངོས་པོ་གཞན།།

སྲིད་འདིར་མཆིས་ན་དེ་ཡང་མཚུངས་དཔེར་འོས།།

དཔེ་རྒྱན་དང་པོ་ལྔའི་དཔེར་བརྗོད།

༢༌༡།     ཆོས་དཔེ།

༢༌༡༌༡།    སྐུ་གཟུགས་རི་རྒྱལ་བཞིན་དུ་བརྗིད།།

            གསུང་སྐད་ཁུ་བྱུག་གླུ་ལྟར་སྙན།།

            ཐུགས་ནི་ཀུན་གསལ་ལྟ་བུར་ཡངས།།

            འཕྲིན་ལས་འོད་མཚུངས་ཀུན་ཏུ་ཁྱབ།།

མ་དག་འབྲི་བ།

བླ་མས་གདམས་ཀྱང་མ་དག་འབྲི།།

བཤེས་ཀྱིས་བསླབས་ཀྱང་མ་དག་འབྲི།།

ཕ་མས་གཤེ་ཡང་མ་དག་འབྲི།།

གྲོགས་ཀྱིས་འཕྱ་ཡང་མ་དག་འབྲི།།

འགྲོ་འམ་སྡོད།

ཡངས་པའི་ཨ་སྔོན་དབྱིངས་གནས་པའི།།

འོད་དཀར་ཅན་གྱི་འཕེལ་འགྲིབ་ལ།།

བལྟས་ཏེ་སེམས་ལ་དགའ་འཇིགས་གཉིས།།

འགྲོ་འམ་སྡོད་ཀྱི་གདམ་ག་གཉིས།།

རང་བཞིན་བརྗོད་པའི་རྒྱན་གྱི་རང་རྩོམ་དཔེར་བརྗོད།

༡༌༡།    རིགས་རང་བཞིན་བརྗོད་པའི་རྒྱན་གྱི་དཔེར་བརྗོད།

            ༡༌༡༌༡།   ལུས་ཚད་ཆུང་ཞིང་རྐང་དྲུག་ཅན།།

                        མགོ་ལ་ཚོར་བྱེད་གཉིས་དང་ལྡན།།

                        མིག་མེད་མགྱོགས་ཤིང་ནུས་སྟོབས་ཆེ།།

                        གྲོག་མ་རྣམས་ནི་མངར་ལ་དགའ།།

བོད་ཀྱི་དྲིན་ཆེན་པོ།

བོད་པའི་ནང་ཆོས་གྲགས་ཅན་དེ།།

རྒྱ་གར་ཡུལ་ནས་དར་བ་རེད།།

བོད་པའི་སྙན་ངག་བརྗིད་ཅན་དེ།།

རྒྱ་གར་ཡུལ་ནས་དྲངས་པ་རེད།།

རྣ་བར་གཟན་པའི་གཏམ་ཞིག

ཉིན་ཤས་སྦེང་ལོར་འཁྱམས་པའི་རྗེས།།
སྙིང་སྡུག་ནང་ལ་རིམ་གྱིས་འཁོར།།
སྦེང་ལོར་གྲོང་གི་མཐོང་ཐོས་དག།
གཅིག་རྗེས་གཉིས་མཐུད་བདག་ལ་བཤད།།

བསླབ་བྱ་སེམས་ཀྱི་རང་མདངས་མ།

ང་ཚོ་བོད་པའི་སློབ་ཕྲུག་དག་གི་ལུས་པོ་དང་གྲོད་ཁོག་གི་འཚར་ལོངས་ལ་སྐྱོན་ཆ་ཡེ་ནས་མ་མཆིས་ཀྱང་།  སེམས་སྐྱོ་དགོས་པ་ཞིག་ལ་ཀླད་པའི་འཚར་ལོངས་ལ་སྐྱོན་ཆ་ཤིན་ཏུ་ཆེ།  དེ་ཡང་སློབ་གྲྭ་གཞུང་ནས་གནང་བའི་ཐུན་གསུམ་གྱི་ཁ་ལག་ཆད་མེད་དུ་བླངས་པའི་མཐུ་ལས་ལུས་པོའི་འཚར་ལོངས་ལེགས་པོ་ཞིག་འབྱུང་ཐུབ་ཡོད་ནའང་།  ཀླད་པའི་འཚར་ལོངས་སུ་མཁོ་བ་ནི་ཤེས་བྱ་ཡིན།  ཤེས་བྱ་བསྡུ་བའི་དུས་ཚོད་ལེགས་ཤོས་ནི་རང་སྦྱོང་ཡིན།  འོན་ཏེ་སློབ་མ་ཚོས་རྣམ་གཡེང་གི་དབང་དུ་ཤོར་ནས་དུས་ཚོད་རྩ་ཆེན་དེ་ཆུད་ཟོས་སུ་གཏོང་གིན་པའི་རྐྱེན་གྱིས་ཀླད་པའི་འཚར་ལོངས་ཀྱི་གོ་སྐབས་དེ་འཆོར་མུས་སུ་གདའ། 

མི་ཚེའི་རེ་བ།

ངུད་མོ་ཐོག་མ་རྩ་ཐང་ཀློང་ནས་བསྒྲགས།།

ཆུང་དུས་ལོ་ཟླ་ནོར་ལུག་ཁྲོད་དུ་བསྐྱལ།།

གཞོན་ནུའི་དུས་སུ་མི་ཡུལ་སྐྱ་མོ་འགྲིམས།།

མཐའ་མའི་མིག་འཛུམ་གར་ཡིན་ལྐོག་གྱུར་གནས།།

བདག་གཞན་སྦྱངས་ན་ཅི་ཕན།

བདག་གཞན་གྱི་རྣམ་བཞག་ནི་བོད་ཀྱི་ཐུན་མོང་མ་ཡིན་པའི་བརྡ་སྤྲོད་ཀྱི་སྒྲིག་གཞི་ཞིག་ཡིན།  དེ་ཡང་བྱ་ཚིག་བཀོལ་སྤྱོད་ཀྱི་སྒོ་ནས་མིང་ཚིག་ཅིག་བཟོ་དགོས་གལ་བྱུང་ན།  བྱ་ཚིག་ལ་དུས་གསུམ་ཡོད་པའི་ནང་ནས་དུས་གང་གི་དག་ཆ་བྲི་དགོས་མིན་གཏན་འབེབས་བྱས་ཡོད། 

དྲན་གདུང་།

རང་ལ་བརྩེ་བའི་མཛའ་ན་མོ།།
རང་གི་ནང་དུ་ཐོལ་གྱིས་ཆས།།
རང་ཉིད་ཡུལ་བའི་སྣང་བ་ཡིས།།
རང་དགར་གཙེས་ཏེ་བདེ་བ་བཅོམ།།

གངས་ཅན་པ། རླབས་ཆེན་གྱི་མི་རིགས།

སྐད་དང་ཡི་གེར་ཐོགས་པ་མེད།།

གླུ་དང་གར་ལ་འགྲན་ཟླ་བྲལ།།

བྱམས་དང་སྙིང་རྗེ་རང་ཆས་ལྡན།།

རླབས་ཆེན་མི་རིགས་གངས་ཅན་པ།།

མི་རབས་གསུམ་པའི་རང་མདངས།

བློ་གྲོས་ནོར་གྱིས་རབ་ཏུ་ཕྱུག་པའི་སྔོན་བྱོན་མེས་པོ་དམ་པ་ཚོས།།

ཡོན་ཏན་གཞི་མ་བཤེས་གཉེན་ཡིན་ཚུལ་གདམས་པའི་བདུད་རྩི་བསྩལ་ན་ཡང་།།

བཤེས་ལ་མི་བཀུར་ངག་བཞིན་མི་བྱེད་མནོག་ཆུང་བྱ་བར་དགའ་བས་འཇུག།

སྙིང་པོ་མེད་དེ་སྙིང་པོར་ལྟ་བ་མི་རབས་གསུམ་པའི་རང་མདངས་ཡིན།།

ངོ་ཚ་བྲལ་བས་མ་དག་འབྲི།

ཡོད་པོས་རྒྱགས་བཞིན་མ་དག་འབྲི།།

མེད་པོས་ཞུམ་བཞིན་མ་དག་འབྲི།།

ཡོད་པོ་མེད་པོ་སུ་ཡིན་རུང་།།

མ་དག་བོད་ཡིག་འབྲི་ལ་དགའ།།

བེ་ཏའི་གྲོང་།

སློབ་མཐར་སོན་པའི་རྗེས་ལ།།

ཀུ་ཤུའི་གྲོང་དུ་སླེབས་སོང་།།

ཟླ་ཤས་བསྡད་པའི་རྗེས་སུ།།

བེ་ཏའི་གྲོང་དུ་འབྱོར་སོང་།།

ཡལ་གྱིན་པའི་རྒྱལ་ཞེན།

ལོ་ངོ་ཉི་ཤུའི་ཡར་སྔོན་དུ།།
རྒྱ་བོད་གཏམ་བརྗོད་འཁྲབ་སྟོན་སྐབས།།
མང་པོ་ཞིག་ནི་ངུ་ནས་འདུག།
རེ་ཟུང་ཞིག་ནི་ཧད་ནས་འདུག།

སེམས་འཚབ།

རང་རྒྱལ་སྐྱིད་པའི་གངས་ལྗོངས་དེ།།

རང་ཤེད་ཆེ་བའི་རྒྱ་མིས་འཕྲོག།

རང་དབང་ལུང་པར་སླེབས་ན་ཡང་།།

རང་ཡུལ་གངས་ལྗོངས་རྟག་ཏུ་དྲན།།

བཙན་བྱོལ་བའི་ལག་རྗེས།

ཕ་ས་མི་ལ་ཤོར་ནས།།

མི་ཡུལ་འགྲིམ་དགོས་བྱུང་སོང་།།

རང་དབང་ལུང་པའི་ནང་ནས།།

སྐད་ཀྱི་རང་དབང་ཤོར་སོང་།།

མུན་པས་བཏུམས་པའི་གངས་རི།

ནག་པོས་དཀར་པོ་བཅོམ་སོང་།།

སྣུམ་པོ་སྐྱ་བོར་བསྒྱུར་སོང་།།

དམར་པོ་རྩེད་སྤྱད་བྱས་སོང་།།

དཀར་པོའི་དཀར་མདངས་བསྣུབས་སོང་།།

ཡུལ་སྣང་།

སློབ་གྲཱའི་ཅོང་བརྡ་གཏོང་བའི་ཚེ།།

འབྲེལ་ཡོད་རྣམས་ནི་བྲེལ་བཞིན་ཐོན།།

ལས་མེད་ང་ནི་ཁེར་རྐྱང་ལུས།།

ཡུལ་སྣང་ཞིག་གིས་བཟའ་གྲབས་བྱེད།།

རང་ངོ་ཡི་མཛའ་མོ། - གྲོགས་འདུས་ཀྱི་སེམས་གཏམ།

བསམ་ཤེས་ཀྱི་གཤིན་སའི་ཐོག།         

ཡིད་ཆེས་ཀྱི་གདུང་བརྟན་ཞིང་།།

བདེ་སྐྱིད་ཀྱི་མགྲོན་བསུ་བའི།།

བུ་མོ་དེ་མཛའ་མོར་རྟོགས།།

-  གངས་རྟ།