བསྟོད་གླུ་ཡིད་ཀྱི་སྨོན་པ།

ནང་དོན་རིག་པས་གཙོ་བོར་གྱུར་པ་ཡི།།
ཐ་སྙད་རིག་གནས་ལ་ཡང་མངའ་བརྙེས་པའི།།
བསླུ་མེད་བླ་མ་གྲུ་པ་རིན་པོ་ཆེ།།
སྐུ་ཚེ་བརྟན་ཞིང་མཛད་འཕྲིན་རྒྱས་པར་སྨོན།།

ཆང་ཁང་ནང་གི་ཆིག་ལབ།

ད་གིན་ཚོགས་འདུའི་ནང་ལ་ཡོད།།

ད་ལྟ་ཆང་ཁང་ནང་ལ་ཡོད།།

ཡོད་མཁན་མི་དེ་གཅིག་ཡིན་ཡང་།།

ཡོད་ས་ཡོད་ཚུལ་ག་ལ་གཅིག།

ནུབ་ལ་མི་འགྲོ།

ཕ་སྐད་རིན་ཆེན་འདོར་འདོད་མེད།།
ཕ་ཆོས་ནོར་བུ་སྐྱུར་འདོད་མེད།།
དེའི་ཕྱིར་བདག་ལ་ནུབ་ཕྱོགས་སུ།
འགྲོ་བའི་འདོད་པ་ཡེ་ནས་མེད།།

སྟོང་བསམ་དང་དོན་དངོས།

ཐང་མར་བརྡལ་བའི་ལྕགས་ལམ་རིང་མོད་ཀྱང་།།

དར་མདོག་ལྗང་ཁུས་གཡབ་མོ་མ་བྱས་ན།།

ཁྱད་ཆོས་བཟང་རྒུ་རྫོགས་པའི་མེ་འཁོར་དེས།།

དངོས་སུ་འགུལ་སྐྱོད་བྱེད་པ་ག་ལ་སྲིད།།

མི་ཚེའི་བརྒྱུད་རིམ།

བཅུ་ལ་ལོན་དུས་སྐྱེས་ཡུལ་བཞག་ཡིན།།
བཅུ་གཉིས་ཆགས་དུས་མི་ཡུལ་འབྱོར་སོང་།།
སློབ་གྲྭ་འགྲིམ་པའི་གོ་སྐབས་བཟང་པོ།།
མགོན་པོའི་ཐུགས་རྗེས་བདག་ལ་ཐོབ་སོང་།།

སློབ་གྲྭ་དང་གྲོང་མི།

རང་གི་ཕྲུ་གུ་སློབ་གྲྭ་འདིར།།
མེད་པའི་རྒྱུ་མཚན་ལ་བརྟེན་ནས།།
སློབ་གྲྭར་ཁ་ཡ་མི་བྱེད་པའི།།
གྲོང་མི་རེ་ཟུང་མཐོང་རྒྱུ་འདུག།

མཚན་གཡོག

ན་རྒས་གྱོས་མོ་ནད་ཀྱིས་མནར་ཏེ་ཅུང་ཟད་མ་གཏོགས་ཕྱི་མར་ཆས་སོང་།།
སྨན་བཅོས་ལག་རྩལ་བཟང་བའི་མཐུ་ལས་འཆི་བདག་ཁ་ནས་འཕྲོག་པར་ནུས་སོང་།།
ཡར་སློང་མར་སྙོལ་ལས་ཀྱི་དགོས་མཁོས་མཚན་གཡོག་རེ་མོས་གཏན་ལ་ཕབ་སོང་།།
བཅུ་ནས་གཉིས་དང་གཉིས་ནས་དྲུག་སྟེ་དོ་ནུབ་ང་རང་ཕྱི་མར་ཁེལ་ཡོད།།

ཆིག་ལབ།

མཆིན་པ་སྙི་པོ་ལྡུར་ནས་འདུག།
སྦ་ཁུག་སྲབ་པོ་ལེབ་ནས་འདུག།
བུ་མོ་ཆུང་ཆུང་འཐོམས་ནས་འདུག།
ད་ནི་ལྡོག་ཤེས་བྱེད་ལ་རན།།

བུ་མོ་ཡིད་ཀྱི་མེ་ཏོག

ལུས་ཕྲ་སྤམ་མཛེས་གོས་ནབ་མ།།

བཞིན་དཀར་དལ་ལྷོད་འགྲོས་བཟང་མ།།

སྨྲ་ཉུང་གཞན་སེམས་དཔོག་མཁས་མ།།

བདག་སེམས་བུང་བ་ལྡིང་ས་མ།།

སྐྱོ་གླུ་ཡིད་ཀྱི་སྨྲེ་ངག

ཧམ་ཆེན་རྒྱ་མིས་བོད་ས་བཟུང་བས།།

མ་བུ་གསོན་བྲལ་བྱ་དགོས་བྱུང་སོང་།།

ཨ་མའི་འཛུམ་ཞལ་མཇལ་ན་འདོད་ཀྱང་།།

མཇལ་རྒྱུ་ཡོད་པ་དོན་སྤྱི་ཙམ་རེད།།

སློབ་གྲྭ་དྲན་གླུ།

སློབ་གྲྭར་སྡོད་ཡུན་རྫོགས་སོང་།།

རྒྱུས་མེད་གླིང་དུ་སླེབས་སོང་།།

ལོ་བཅུ་བསྡད་སའི་སློབ་གྲྭ།།

ཡིད་ལ་ཡང་ཡང་དྲན་བྱུང་།།

གཅུང་མོའི་བཀའ་དྲིན།

ཐོག་མ་ཡི་ངུ་སྒྲ།།

བདག་ཉིད་ཀྱིས་བསྒྲགས་ཀྱང་།།

རང་རྐང་དུ་ལང་དུས།།

གཅུང་མོ་དེ་སྔ་སོང་།།

ངས་འདི་ལྟར་འདོད།

རྒྱ་གར་ཡུལ་གྲུ་འདིར།།

འབྱོར་ནས་ལོ་མང་སོང་།།

འཆི་བདག་མ་སླེབས་སྔོན།།

ཕ་སར་ལོག་ན་འདོད།།

འཁང་ར།

ངས་འབད་བརྩོན་གྱིས།།

དཔེ་འབྲི་སེམས་ཀྱང་།།

སྦྱོར་གོམས་མེད་ཀྱིས།།

ང་ཡུན་རིང་འགོར།།

ང་ཡིས་ཚོར་ཐུབ་པའི་ཁོ་མོའི་སེམས་ངལ།

བརྩེ་ལྡན་མཛའ་མོ།།

ཡིད་ལ་འཁོར་ནས།།

ཁ་པར་བརྒྱུད་དེ།།

གཏམ་གླེང་བྱས་ཡིན།།

བོད།

དཀར་གངས་རི།།

ཡངས་རྩྭ་ཐང་།།

དྭངས་ཆུ་བོ།།

བོད་མཛེས་སོ།།

ཡིད་ཀྱི་སྨོན་པ།

རྒྱལ་ཁབ་དང་།།

མི་རིགས་ཆེད།།

གཅེས་སྲོག་དེ།།

ཕངས་མེད་བཏང་།།

སེམས་ཀྱི་ན་ཟུག

རེ་བ་འབུམ་ཕྲག་བཅོལ་ས་འདི།།

རི་བོ་ཡིན་ན་ཉིལ་བཞིན་འདུག།

མཚོ་མོ་ཡིན་ན་བྲི་བཞིན་འདུག།

ལྗོན་པ་ཡིན་ན་འགྱེལ་བཞིན་འདུག།

རེ་ས་དང་གྲ་སྒྲིག

གཞིས་བྱེས་ལྷན་འཛོམས་ཉིན་མོ།།

འཆར་རྒྱུ་ཡིད་ལ་བཅང་དགོས།།

རང་དབང་འཐབ་རྩོད་ལས་ཀ།

རྒྱུན་ཆད་མེད་པར་བྱ་དགོས།།

འདྲ་པོ་མི་འདུག

ཅི་དང་གང་ཞིག་བཤད་ཀྱང་རུང་།།

བདེན་གཏམ་འབའ་ཞིག་བཤད་པར་བྱ།།

མི་རབས་གསུམ་པའི་ཟུར་ཞིག

དཀའ་སྤྱད་རྟ་ཕོར་བཅིབས་ཏེ།།

བསྒྲུགས་པའི་ཤེས་རིག་ནོར་བུ།།

ཕངས་མེད་སྩོལ་བར་མཛད་ཀྱང་།།

རྒྱན་དུ་འདོགས་མཁན་དཀོན་པ།།

བཅུ་གཅིག་གསེར་ཉ་ལ་བསྟོད་པ།

བཅུ་གཅིག་གསེར་ཉའི་འཛིན་ཁང་དུ།།

སྟག་ཤར་གཞོན་པ་བཅུ་གསུམ་དང་།།

སྨན་ཆུང་བུ་མོ་བཅུ་དྲུག་སྟེ།།

བསྡོམས་པའི་སློབ་མ་ཉེར་དགུ་འདུག།

ང་ཡི་སྦེལ་ཀོབ་སློབ་གླིང་།

གནམ་གཤིས་ཚ་དྲོད་སྙོམས་ས།།

བཅུད་ལྡན་ཤིང་འབྲས་མང་ས།།

ཡར་མར་འགྲོ་སྟབས་བདེ་ས།།

ང་ཡི་སྦེལ་ཀོབ་སློབ་གླིང་།།

ཁ་ནག་ཅིག་གི་སྙིང་གཏམ་དམར་པོ།

ས་གཞི་མཛེས་མའི་ལུས་པོ།།

མུན་ནག་གོས་ཀྱིས་གཡོགས་སོང་།།

རང་སྦྱོང་རྒན་མོའི་གཉེར་མ།།

ལྟ་བའི་དུས་ལ་བབས་སོང་།།

སློབ་མ་ལ་ཕུལ་བའི་ཡི་གེ།

༄༅།   །བདག་གི་བརྩེ་བའི་སློབ་མ་ཚེ་རིང་སྒྲོལ་མ་ལགས་ཀྱི་དྲུང་དུ།

ཆེད་ཞུ།    སློབ་གྲྭ་འདི་ཡི་དགེ་རྒན་མང་པོ་ཞིག་ཟབ་སྦྱོང་ལ་ཕེབས་པའི་སྐབས་དང་།  སློབ་གྲྭ་ལ་དགེ་རྒན་ཉུང་བའི་གནས་སྐབས་དེ་ལྟ་བུ་ཞིག་ལ་ཁྱེད་ཉིད་དུས་ཐོག་ཆར་པ་བཞིན་སློབ་གྲྭ་འདི་རུ་ཕེབས་ནས་དྭང་བླངས་ཀྱི་སྒོ་ནས་སློབ་འཁྲིད་གནང་སོང་བར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།